Јавното комунално претпријатие „Комуналец“ кое ја врши преработката и дистрибуцијата на водата до домаќинствата и индустријата во Свети Николе се чини дека во целост одговори на потребите на граѓаните. Имено, со пуштање во употреа на новата филтер станица за преработка на вода и со доаѓањето на водата од хидросистемот „Злетовица“ и од алтернативното водоснабдување „Дивјак“ сите сомнежи за неисправноста на водата од градскиот водовод се елиминирани. Тоа значи дека водата во градскиот водовод санитарно, хемискии бактериолошки е исправна за пиење и е на нивото на водата од Рашче која ја користат жителите на Скопје.
![](https://jkpsvetinikole.com.mk/web/wp-content/themes/Karma/framework/extended/timthumb/timthumb.php?src=http://www.jkpsvetinikole.com.mk/web/wp-content/uploads/filterna-5.jpg&h=180&w=324)
![](https://jkpsvetinikole.com.mk/web/wp-content/themes/Karma/framework/extended/timthumb/timthumb.php?src=http://www.jkpsvetinikole.com.mk/web/wp-content/uploads/filterna-8.jpg&h=180&w=324)
Сите досегашни испитувања кои секојдневно се извршуваат од релевантните државни институции како што се Институтот за јавно здравје, Хидробиолошкиот завод од Битола и Дирекцијата за храна укажуваат дека во континуитет водата е најисправна за пиење.
Во моментот обезбедени се доволни количини на вода за наредните 50 години и Свети Николе конечно проблемот со водоснабдувањето го надмина.